Rastay ma Madyan say kuch kilometer pehlay Damaana village ka suspension bridge aya. Acha laga to kuch time spend kiya vahan pay.
Bahrain k kareeb pohonchtay pohonchtay takreeban 6 baj gaye or takreeban andhaira ho gaya.
Or phir mashwara kiya k Bahrain say hi khana kha lain or ahista ahista kalam ja hi raat stay kiya jaye. Lakin aik khushkhabri abhi milni baki thi dukan valay say. Baray mazay say kabaab kha rahay thay or jb vo bill laya to ma nay pucha k yeh kalam tak ka road itna acha kab ka bana hai. To un sahab nay kaha k yeh sirf bahrain tak hai. Kalam tak to halaat hi bohot buray hain road k.
Or waqai aisa hi tha. Khana kha k fresh ho k jb niklay to Bahrain k agay vala rasta waqai itna kharab tha k jaisay nookeelay pathar bichay hoon puray track pay. Uper say andhaira or Kalam tak koi bara abaadi vala area bhi nhi tha rastay ma. Behar haal Allah ka naam lay k chaltay rahay. in 36 km k liya 6.30 k niklay 8.30 bajay kalam pohnchay. Or vahan pohonch k bhi yun lag raha tha k jaisay yeh koi tourist destination nhi hai. Sb shop, restaurants band or road pay koi 2 ya 3 banday phirtay dikhai daitay thay. Finally aik hotel ma check in kiya or bike park ker k room ma ja k Allah ka shukar ada kiya k bakhairiyat pohonch gaye, bike bhi puncture nhi hui or khana bhi kha liya verna bhookay hi sona perna tha.
Or yahan teesray din ka bhi ikhtitaam hua.